ن N

• ناموس
• nomos, namus, nematos, kanon, Kanone, Kanne, kanna, Kanal

هەر لێرەوە شەقوەشێن و بەڵتەچی و گەندەڵ و دزی داهاتی وڵات و دارودەستەی ستەمگەری دەچنەوە سەر خانەی بێناموسیەوە. ئەو ڕەفتار و ئەتوارەی بۆ خۆت پێت ناخۆشە کە بەرانبەرت بکرێت، ئاواش پێت ناخۆش بێت کە بەرانبەر ئەویدی هەمان ئەتوار بکەیت

وشەی |ناموس| بە ڕواڵەت وا دەردەکەوێت کە چەندین مانای هەبێت

• یەکەم: بە یۆنانی وشەی |نۆمۆس| واتا یاسا و ڕێسا، شیرازەی ڕێکخستنی کۆمەڵ، ئاداب، داب و نەرێت، عورفی کۆمەڵایەتی، ئابروی کەسایەتی
• عەرەب وشەی |نۆمۆس|ی مۆسای لە تەوراتی یۆنانیەوە وەرگرتوە و کردویەتی بە |ناموس| بە هەمان واتاکانی سەرەوە، بە کوردی و ئوردو و فارسی و تورکیش هەمان واتایان هەیە
•  
• دوهەم: بە یۆنانی وشەی |نۆمۆس| بە واتای ژمارەی ماتماتیک دێت
•  
• سێهەم: بە عەرەبی وشەی |ناموس| واتا مێشولەی ورد، وڕە، پەشە، پێشی، پەخشە، پێشکە. هەروەها مانای دی وەکو: نهێنپۆش، دوڕو، فیتنە، ساختەچی، فێڵباز، بوختانباز، سەربەگۆبەن
•  
• وشەی ناموسیە یان ناموسیەت واتا پەشەبەند، پەردە کولە، لێرەدا وشەکە فریودەرە، چونکی وشەکە پەیوەندیی بە |نۆمۆس| و ئادابەوە نیە، بەڵکو دەچێتەوە سەر وشەی یۆنانی |نێماتۆس| یان نەماتۆس واتا دەزو، کە بە زمانی یۆنانی بە ناوی لێکدراوی مێروەکانەوە لکاوە، وەکو: گەنەی دەزو ئاسا، مێشولەی وردیلە، کرمی دەزولەیی
•  
• کەواتە وشەی |ناموس| بە واتای مێشولەی ورد پەیوەندیی بە نۆمۆس و ئاداب و داب و نەرێتەوە نیە، بەڵکو عەرەب بە قوتدانی پیت و شێوەی گۆکردنی وشەی |نەماتۆس|ی کردوە بە ناموس
•  
• هەر لێرەشەوە دەردەکەوێت کە وشەی |نۆمۆس و ناموس| ڕێسای نەنوسراون، هەر وەختێ نوسران، ئیدی بە یۆنانی دەبنە |کانۆن| واتا قانون و یاسای دەستور، ڕاستە نوێڵ. بە چەکی قورسی وەک تۆپی لولەدار دەوترێت |کانۆنە| کە دەچێتەوە سەر وشەی یۆنانی |کانە| واتا لولە. بە ئەڵمانی |کانە| واتا لولەدار وەک قۆری و کتری و سەماوەر و چادان. وشەکە خزمە لەگەڵ وشەی |کەنال| واتا جۆگە، زێراب، قەنات و کەناڵی تێڤی
• ******

Dichter-Narziss, Pseudo-Narziss, narkissos, narkein, Narkose

نێرگز، نارزیسم