گ G
19.01.2013 10:18
گ G
kamilo-kaf.webnode.at کامیلۆ کاف
سەرنج: دەسپاکی لە نوسیندا ئەرک و مەرجە! ئەگەر واتا و ڕیشەی وشەکان لە فەرهەنگەکاندا وەرگیران و لە فەیسبوکدا ئاساییە کە سەرچاوەکەیان نەنوسرێن، چونکی دەزانرێن کە لە زۆربەی فەرهەنگەکاندا هەن، بەڵام ئەگەر لێکدانەوەی نوێی ڕیشەی وشەیەک لە هیچ فەرهەنگێکدا نەبوو، دەبێ ئاماژە بە نوسەرەکەی بدرێت، دەنا دەچێتە خانەی دزینی نوسین و دزینی دەقی نوسەرەوە!! تەنانەت کەسانێک لە ڤیکیپێدیا و لێرەش خەریکی ئەم جۆرە ئەتوارەن بەبێ ئاماژەدان بە سەرچاوەکان، بە تایبەتی بە زمانی کوردی، فارسی، عەرەبی، تورکی، ئینگلیزی،.. تاد
wikitionary, wikipedia
Stock, stick
گۆچەل، گۆپاڵ، گۆچان
گۆچەل وشەیەکی لێکداوە
وشەی |گۆ| واتا چێوبازنە و چۆخڕ، جوغز چەماو، ئەڵقە کەوان، وەک دەف و بێژنگ و کەمەی عەسا
وشەی |چەل| فرەمانایە، لێرەدا بە واتای تروپک و سەر دێت
کەواتە هەردو وشەکە پێکەوە |گۆچەل| واتا داری سەرچەماو، کەمەدار
گۆپاڵ وشەیەکی لێکدراوە
وشەی |پاڵ| فرەمانایە، لێرەدا بە واتای ملەی سەر دێت
کەواتە |گۆپاڵ| واتا لە ملەوە کامە کەوان، داری سەرچەماو، کامەدار. پەیاغ و چۆماغ/چوماق واتا تێڵا و کوتەک
گۆچان وشەیەکی لێکدراوە
وشەی |چان| واتا چام. بە جێگۆرکێی پیتی |م| بۆ |ن|. وشەی |چام| فرەمانایە، لێرەدا بە واتای قوتکە و سەر دێت
کەواتە |گۆچان| واتا داری سەرچەماو، کامادار
هەروەها گریمانەی ئەوەش هەیە کە |گۆچەل| بوەتە |گۆچان| بە جێگۆرکێی پیتی |ن| بۆ ل
ئەنجام
لە بنەڕەتەوە ئەم وشانە (گۆچەل، گۆپاڵ، گۆچان) واتا داری سەرچەماو و کەمەدار بە شێوەی نیشانەی سەرسوڕمان
؟ ?
******
- گێنۆزید
- Genozid = genus + caedere
بە ئینگلیزی |جێنۆساید|، بە ئەڵمانی |گێنۆزید|، کە لە لاتینیەوە هاتون و دو بەشن
یەکەمیان: |گێنوس| واتا نەژاد، ڕەگەز، گروپ و گەل
دوهەمیان: |زید| کورتکراوەی |کایدێرێ|یە واتا کوشتن و لەناوبردن
کەواتە |گێنۆزید| واتا کۆکوژی، کۆمەڵکوژی، گەلکوژی، لەناوبردنی ئێتنیەک، گروپێک یان گەلێک
******